Sadamaioría ten como obxectivo acadar un concello para todos e todas, aberto, participativo, democrático, galego, transformador e solidario. Somos un grupo de homes e mulleres sadenses que compartimos a necesidade de contarmos cunha administración municipal posta ao servizo do interese xeral da cidadanía, tanto no núcleo urbano como nas parroquias.
Non temos máis ambición que a de gobernar obedecendo, a través dun permanente diálogo coa cidadanía. Por iso, precisamos dotármonos de ferramentas que garantan que os homes e mulleres que van participar na xestión municipal sexan consecuentes cos principios que inspiran Sadamaioría.
O presente Código Ético pretende asegurar que as persoas de Sadamaioría que accedan a cargos públicos o fagan cunha clara e irrenunciábel vocación de servizo público, adquirindo uns compromisos éticos, políticos e organizativos firmes e claros.