Baixo o título “O Náutico: situación e alternativas”, Sadamaioría celebrou o mércores, 10 de outubro, un acto público aberto a toda a veciñanza, no que se abordou a situación deste edificio, pendente de derrubo por sentenza xudicial firme desde hai 18 anos. No encontro, que tivo lugar na Capela de San Roque, participaron membros do grupo municipal e da organización, que deron conta ao público da postura de Sadamaioría en torno a este asunto de plena actualidade.
