As beirarrúas de Meirás, máis preto

Durante o pleno ordinario de novembro, a corporación aprobou, coa abstención do PP, a proposta de Sadamaioría para a posta a disposición da Deputación da Coruña dos terreos para a execución de beirarrúas na estrada DP-5812, da que é titular, ao seu paso pola parroquia de Meirás. O plácet do pleno era un requisito previo levar a cabo o proxecto “Mellora da seguridade viaria na DP-5812 de Meirás a Santa Cruz no termo municipal de Sada”, que a Deputación vai desenvolver entre o límite do municipio con Oleiros n’Os Tornos e o cruzamento coa AC-183, no seu desvío en dirección a Mera.