Por coincidencia coas festas de Nadal, o pleno ordinario de decembro de 2018 adiouse ao 10 de xaneiro do novo ano. No transcurso da sesión celebrada na Axudantía aprobáronse, a iniciativa de Sadamaioría, dous importantes contratos:
- Adxudicación da contratación por procedemento aberto, con varios criterios de adxudicación, dos servizos de Axuda no Fogar, por un importe de 1.569.013,68€.
- Adxudicación dos servizos de limpeza viaria e de praias no termo municipal, mediante procedemento aberto con varios criterios de adxudicación, por importe de 1.981.408,53€.
