A xestión directa mediante sociedade municipal suporá aforro de custos para o concello e para o vecindario, tal e como se demostrou en concellos da área metropolitana como Oleiros ou Arteixo, que municipalizaron o servizo e asumiron recentemente súa xestión directa.
Un servizo público básico e esencial, como o do ciclo integral da auga, debe estar xestionado directamente polo Concello e non por concesionaria privada. Con anterioridade á moción de censura, foi encargado un estudo de alternativas que comparase os diferentes modelos de xestión do ciclo integral da auga, sendo tamén necesario un estudo económico de custos e ingresos tarifarios que acredite que se trata da forma de xestión máis sostible e eficiente dende o punto de vista económico-financieiro.
A xestión directa tamén irá acompañada dun plan de investimento para a mellora e ampliación de dito servizo, incluíndo un réxime tarifario que incentive o consumo responsable e aplicando bonificacións tarifarias para consumidores vulnerables.
Sada, 23 de maio de 2023.