Na sesión extraordinaria de decembro de 2018, celebrada o xoves 19, o grupo municipal de Sadamaioría levou a pleno a iniciativa para participar no Plan provincial de cooperación único de concellos POS+2019, con investimentos que se achegan ao millón de euros. Está é a relación de obras aprobadas pola corporación:
- Acondicionamento de pavimentos e istalacións nas rúas do barrio de Fontán, cun orzamento de 140.278,49€.
- Distribución de auga Osedo-O’Castro DP 7502, cun orzamento de 67.955,40€.
- Mantemento e conservación de fachadas e cuberta e mellora da eficiencia enerxética no edificio da OMIX, cun orzamento de 50.901,69€.
- Mellora do pavimento no camiño do Peroureiro e do punto limpo de Vilar, Meirás, cun orzamento de 61.323,47€.
- Substitución de redes principais, as súas acometidas e pavimentación na rúa Lugrís Freire e en dous tramos da beirarrúa da avenida da Mariña, cun orzamento de 88.777€.
- Reposición de pavimentos de beirarrúas e calzada do acceso ao polígono industrial Sada- Cambre, cun orzamento de 158.957,07€.
- Actuacións na Biblioteca Municipal por 29.000€.
- Pavimentación do camiño dos Agrelos, entre Pazos e Souto, na parroquia de Carnoedo, cun orzamento de 40.576,65€.
- Renovación de servizos no Tarabelo 114.077,71€.
A maiores aprobouse o proxecto complementario de remodelación integral do parque infantil da urbanización das Brañas, en Sada, cun orzamento de 218.404,03€.
