O Pleno de Sada aprobou en sesión celebrada o pasado 29 de agosto de 2019 a súa adhesión ao Pacto das Alcaldías para o Clima e a Enerxía en calidade de asinante.
Para alcanzar os obxectivos do mesmo, o Concello de Sada comprometeuse a redactar un Plan de Acción para o Clima e a Enerxía Sustentable (PACES) nun prazo máximo de dous anos desde a data de adhesión.
Para tal efecto, a Orde do 5 de maio de 2020 estableceu as bases reguladoras para a concesión de axudas a entidades locais asinantes do Pacto das Alcaldías para o Clima e a Enerxía, cofinanciadas polo Fondo Europeo de Desenvolvemento Rexional con cargo ao programa operativo Feder Galicia 2014-2020, en réxime de concorrencia non competitiva, para o ano 2020 (DOG nº 93 14/05/2020).
O Concello xa está a rematar os traballos de redacción, despois de obter unha axuda para a asistencia técnica ao abeiro da orde citada. Unha vez finalizado, elevarase ao Pleno para a súa aprobación.
Sada, 17 de novembro de 2020.
