Sadamaioría celebra que a xustiza rectifique e propoña excluír o concelleiro Fernando Fariña do proceso xudicial

Despois desta decisión, Sadamaioría insistirá no arquivo completo da investigación xudicial.

Dende Sadamaioría celebramos que o Xulgado de Instrución número 3 de Betanzos teña proposto ás partes a exclusión do concelleiro Fernando Fariña do proceso xudicial aberto a raíz dunha denuncia do ex-xefe accidental da Policía Local, Juan Carlos Arias, que presentou días despois do seu cesamento no cargo.

Dende que se presentou esta denuncia, Sadamaioría mantivo que non existían fundamentos para levala adiante. Ademais, no caso concreto do concelleiro Fernando Fariña, resultaba incomprensible a súa situación de investigado cando en ningún momento fora citado como tal e unicamente prestara declaración en calidade de testemuña.

Sadamaioría seguirá a insistir no arquivo desta causa xudicial. Confiamos na actuación xudicial e, ante todo, na inocencia do alcalde, Benito Portela, e da concelleira Pilar Taibo.